FERIA SEXTA EBDOMADA V
Tribue nobis, quaesumus, domine, indulgentiam peccatorum, ut instituta paschalia tibi placitis sensibus operemur: per: [GeV 273]
Omnipotens sempiterne deus, clementiam tuam suppliciter exoramus, ut qui mala nostra semper praeuenis miserendo, facias nos tibi placitos et piis actionibus et ieiuniis salubribus expiando: per. [GeV 274]
SECRETA. Sanctifica nos, quaesumus, domine, his muneribus offerendis et paschalis obseruantiae sufficientem nobis tribue facultatem: per. [GeV 275]
POST COMMUNIONEM. Da, quaesumus, domine, ut tanti mysterii munus indultum non condemnatio sed sit medicina sumentibus: per. [GeV 276]
AD POPULUM. Protege, domine, populum tuum et in sanctorum tuorum patrocinio confitentem perpetua defensione guberna: per. [GeV 277]
