FERIA II EBDOMADA IIII
Sacre nobis, quaesumus, domine, obseruationis ieiunia et piae conuersationis augmentum et tuae propitiationis continuum prestent auxilium: per. [GeV 229]
Proficiat, quaesumus, domine, plebi tibi decata pie deuotionis affectus, ut sacris actionibus herudita, quanto maiestati tuae fit gratior, tanto donis potiora augeatur: per. [GeV 230]
SECRETA. Cunctis nos, quaesumus, domine, reatibus et periculis propitiatus absolue, quos tantis mysteriis tribues esse consortes: per dominum. [GeV 231]
POST COMMUNIONEM. Diuini satiati muneris largitate quaesumus, domine deus noster, ut in huius semper participatione uiuamus: per. [GeV 232]
AD POPULUM. Tueatur, quaesumus, domine, dextera tua populum deprecantem et purificatum dignanter herudiat, ut consolationem praesenti ad futura bona proficiat: per. [GeV 233]
