FERIA VI IN QUINQUAGESIMA
Da, quaesumus, domine, fidelibus tuis ieiuniis paschalibus conuenienter aptari, ut suscepta sollempniter castigatio corporalis cunctis ad fructum proficiat animarum: per. [GeV 94]
Adiuua nos, deus salutaris noster, ut quae conlata nobis honorabiliter recensimus, deuotis mentibus adsequamur: per. [GeV 95]
SECRETA. Praepara nos, quaesumus, domine, huius precipue festiuitatis officiis, ut haec sacrificia subriis mentibus caelebremus: per. [GeV 96]
POST COMMUNIONEM. Salutare munere, domine, satiati supplices depraecamur, ut cuius laetamur gustu, reparemur effectu: per dominum nostrum. [GeV 97]
AD POPULUM. Praesta famulis tuis, domine, habundantiam protectionis et gratiae, da salutem mentis et corporis, da continua prosperitatis augmenta, et tibi semper fac esse deuotos: per dominum nostrum. [GeV 98]
