XI.
IN UIGILIIS DE THEOPHANIA

Corda nostra, quaesumus, domine, uenturae festiuitatis splendor inlustret, quo mundi huius tenebras carere ualeamus, et perueniamus ad patriam claritatis aeterne: per. [GeV 57]

SECRETA. Tribuae, quaesumus, domine, ut eum praesentibus immolemus sacrificiis et sumamus, quem uenturae sollempnitatis pia munera praeloquuntur: per. [GeV 58]

Uere dignum: quia cum unigenitus tuus in substantiae nostrae mortalitatis <apparuit, in nouam nos immortalitatis suae> lucem reparauit: per quem laudant angeli. [GeV 59]

POST COMMUNIONEM. Inlumina, quaesumus, domine, populum tuum et splendore gratiae tuae cor eius semper accende, ut saluatoris mundi stella famulante manifestata natiuitas mentibus eorum et reueletur semper et crescat: per. [GeV 60]