VIII MENSE APRILE / XXI ITEM ALIA
Maiestati tuae nos, domine, martyrum supplicatio beata conciliet, ut qui incessabiliter actibus nostris offendimus, continuis iustorum praecibus expiemur [Ver 79]
Grata tibi munera nostra sint, domine, quae tuis sunt instituta praeceptis, et sanctorum festiuitatis gloriosa commendat [Ver 80]
Uere dignum: te in sanctorum tuorum confessione laudantes, quorum dum sollemnia frequentantur, copiosiora nobis fidei proponuntur exempla; dum saepius uictoriae reuoluuntur, crebriora nobis ministrantur auxilia; dum multipliciter ³:uberius:³ meritum praedicatur et gloria, spes nobis aeternae beatitudinis propensius intimatur [Ver 81]
Repleti, domine, caelesti mysterio et benedictionibus suffragantum gratias agimus nomini tuo, qui nos et salutari munere comitaris, et sanctorum patrociniis benignus adtollis [Ver 82]
