XLVII
INCIPIUNT TOCIUS ALBAE ORATIONES ET PRAECES.
FERIA SECUNDA
Paschale mysterium recensentes, apostolorum, domine, beatorum praecibus foueamur, quorum magisterium cognouimus exequendum: per. [GeV 468]
Deus aeclesiae tuae redemptor atque perfector, fac, quaesumus, ut apostolorum praecibus paschalis sacramenti dona capiamus, quorum nobis ea tribuisti magisterio praedicare: per[GeV 469]
SECRETA. Sacrificia, domine, paschalibus gaudiis immolamus, quibus ecclesia tua mirabiliter renascitur et nutritur: <per.> [GeV 470]
Uere dignum: nos praecare clementiam tuam, ut ad caelebrandum dignae paschale mysterium beatorum apostolorum praecibus adiuuemur et quorum praedicatione haec credenda suscepimus, eorum patrociniis fideliter exequamur: per Christum dominum.
Infra actionem ut supra in nocte sancta. Sequetur[GeV 471]
POST COMMUNIONEM. Impleatur in nobis, quaesumus, domine, sacramenti paschalis sancta libatio nosque de terrenis affectibus ad caelestem transferat institutum: per. [GeV 472]
