FERIA IV EBDOMADA III
Deus, qui nos formam humilitatis ieiunando et orando unigeniti tui domini nostri imitatione docuisti, concede, quaesumus, ut quod ille iugi ieiuniorum continuatione conpleuit, nos quoque per partes dierum facias adimplere: per. [GeV 210]
Da nobis, domine, quaesumus, obseruantiam legitima deuotione perfectam, ut refrenatione carnalis alimoniae sancta tibi conuersatione placeamus: per. [GeV 211]
SECRETA. Deus, de cuius gratiae rore discendit, ut ad mysteria tua purgatis sensibus accedamus: praesta, quaesumus, ut in eorum traditione sollemniter honoranda conpedens deferamus obsequium: per. [GeV 212]
POST COMMUNIONEM. Percipientes, domine, gloriosa mysteria referimus gratias, quod in terris positus iam caelestium praestas esse particepes: per. [GeV 213]
AD POPULUM. Defende, domine, familiam tuam ut toto tibi corde prostrata et ab hostium tuere formidine; nec bona tua difficulter inueniant, pro quibus et sancti tui et angelicae[t] tibi supplicant potestates: per. [GeV 214]