FERIA SECUNDA EBDOMADA III
Conserua, domine, familiam tuam bonis semper operibus eruditam, et sic praesentibus consolare subsidiis, ut ad superna perducas dona propitius: per. [GeV 200]
Da, quaesumus, omnipotens deus, + ut abstinentiae nostrae restaurationis exordiis conpetentem dignis praecurramus officiis: per. [GeV 201]
SECRETA. Haec nos beata mysteria, deus, principia sua aptos efficiant recensire: <per.>
Infra actionem ut supra. Sequitur [GeV 202]
POST COMMUNIONEM. Quos ieiunia uotiua castigant tua, domine, sacramenta purificent, ut terrenis affectibus mitigatis faci lius caelestia capiamus: per. [GeV 203]
AD POPULUM. Gratias tibi referat, domine, corde subiecto tua semper aecclesia; et consequenter obteneat, et obseruationis antiquas iugiter recensendo proficiat in futurum: per. [GeV 204]