XIII.
IN SEPTUAGESIMA
Deus, qui per ineffabilem obseruantiam sacramenti famulorum tuorum praeparas uoluntates, donis gratiae tuae corda nostra purifica, ut quo sancta est deuotione tractandum, senceris mentibus exequamur: per dominum. [GeV 69]
Concede, quaesumus, omnipotens, deus, fragilitati nostre sufficientiam conpetentem, ut [in] sui reparationis affectum et pia conuersatione recenseat et cum exultatione suscipiat: per. [GeV 70]
SECRETA. Concede nobis, misericors deus, et dignae tuis seruire semper altaribus et eorum perpetua participatione saluari: per. [GeV 71]
AD POPULUM. Sacrae nobis, quaesumus, domine, mensae libatio et piae conuersationis augmentum et tuae protectionis continuo praestit auxilio: per. [GeV 72]
