Main Menu

Użytkowników:
1
Artykułów:
1683
Odsłon artykułów:
3993194

Odwiedza nas 70 gości oraz 0 użytkowników.

DOMINICA XVII “ PER ANNUM ”

Ocena użytkowników: 0 / 5

Gwiazdka nieaktywnaGwiazdka nieaktywnaGwiazdka nieaktywnaGwiazdka nieaktywnaGwiazdka nieaktywna
 

 

DOMINICA XVII “ PER ANNUM ”

Ant. ad introitum Cf. Ps 67, 6-7.36

Deus in loco sancto suo;

Deus qui inhabitáre facit unánimes in domo,

ipse dabit virtútem et fortitúdinem plebi suæ.

Collecta

Protéctor in te sperántium, Deus,

sine quo nihil est válidum, nihil sanctum,

multíplica super nos misericórdiam tuam,

ut, te rectóre, te duce, sic bonis transeúntibus nunc utámur,

ut iam possímus inhærére mansúris.

Per Dóminum.

Super oblata

Súscipe, quǽsumus, Dómine, múnera,

quæ tibi de tua largitáte deférimus,

ut hæc sacrosáncta mystéria, grátiæ tuæ operánte virtúte,

et præséntis vitæ nos conversatióne sanctíficent,

et ad gáudia sempitérna perdúcant.

Per Christum.

Ant. ad communionem Ps 102, 2

Bénedic, ánima mea, Dómino,

et noli oblivísci omnes retributiónes eius.

Vel: Mt 5, 7-8

Beáti misericórdes,

quóniam ipsi misericórdiam consequéntur.

Beáti mundo corde,

quóniam ipsi Deum vidébunt.

Post communionem

Súmpsimus, Dómine, divínum sacraméntum,

passiónis Fílii tui memoriále perpétuum;

tríbue, quǽsumus,

ut ad nostram salútem hoc munus profíciat,

quod ineffábili nobis caritáte ipse donávit.

Qui vivit.