Main Menu

Użytkowników:
1
Artykułów:
1683
Odsłon artykułów:
3993187

Odwiedza nas 63 gości oraz 0 użytkowników.

DOMINICA III “ PER ANNUM ”

Ocena użytkowników: 0 / 5

Gwiazdka nieaktywnaGwiazdka nieaktywnaGwiazdka nieaktywnaGwiazdka nieaktywnaGwiazdka nieaktywna
 

 

DOMINICA III “ PER ANNUM ”

Ant. ad introitum Cf. Ps 95, 1.6

Cantáte Dómino cánticum novum,

cantáte Dómino, omnis terra.

Conféssio et pulchritúdo in conspéctu eius,

sánctitas et magnificéntia in sanctificatióne eius.

Collecta

Omnípotens sempitérne Deus,

dírige actus nostros in beneplácito tuo,

ut in nómine dilécti Fílii tui

mereámur bonis opéribus abundáre.

Per Dóminum.

Super oblata

Múnera nostra, Dómine, súscipe placátus,

quæ sanctificándo nobis, quǽsumus,

salutária fore concéde.

Per Christum.

Ant. ad communionem Cf. Ps 33, 6

Accédite ad Dóminum et illuminámini,

et fácies vestræ non confundéntur.

Vel: Io 8, 12

Ego sum lux mundi, dicit Dóminus;

qui séquitur me, non ámbulat in ténebris,

sed habébit lumen vitæ.

Post communionem

Præsta nobis, quǽsumus, omnípotens Deus,

ut, vivificatiónis tuæ grátiam consequéntes,

in tuo semper múnere gloriémur.

Per Christum.