Main Menu

Użytkowników:
1
Artykułów:
1683
Odsłon artykułów:
3635450

Odwiedza nas 31 gości oraz 0 użytkowników.

DOMINICA VII PASCHÆ

Ocena użytkowników: 0 / 5

Gwiazdka nieaktywnaGwiazdka nieaktywnaGwiazdka nieaktywnaGwiazdka nieaktywnaGwiazdka nieaktywna
 

DOMINICA VII PASCHÆ

Ant. ad introitum Cf. Ps 26, 7-9

Exáudi, Dómine, vocem meam,

qua clamávi ad te.

Tibi dixit cor meum, quæsívi vultum tuum,

vultum tuum requíram;

ne avértas fáciem tuam a me, allelúia.

Dicitur Glória in excélsis.

Collecta

Supplicatiónibus nostris, Dómine, adésto propítius,

ut, sicut humáni géneris Salvatórem

tecum in tua crédimus maiestáte,

ita eum usque ad consummatiónem sǽculi

manére nobíscum,

sicut ipse promísit, sentiámus.

Qui tecum.

Dicitur Credo.

Super oblata

Súscipe, Dómine, fidélium preces

cum oblatiónibus hostiárum,

ut, per hæc piæ devotiónis offícia,

ad cæléstem glóriam transeámus.

Per Christum.

Præfatio paschalis, vel de Ascensione, pp. 530-536.

Ant. ad communionem Io 17, 22

Rogo, Pater, ut sint unum,

sicut et nos unum sumus, allelúia.

Post communionem

Exáudi nos, Deus, salutáris noster,

ut per hæc sacrosánta mystéria

in totíus Ecclésiæ confidámus córpore faciéndum,

quod eius præcéssit in cápite.

Per Christum.

Adhiberi potest formula benedictionis sollemnis, p. 609.