Main Menu

Użytkowników:
1
Artykułów:
1685
Odsłon artykułów:
4012645

Odwiedza nas 106 gości oraz 0 użytkowników.

FERIA II INFRA OCTAVAM PASCHÆ

Ocena użytkowników: 0 / 5

Gwiazdka nieaktywnaGwiazdka nieaktywnaGwiazdka nieaktywnaGwiazdka nieaktywnaGwiazdka nieaktywna
 

FERIA II INFRA OCTAVAM PASCHÆ

Ant. ad introitum Ex 13, 5.9

Introdúxit vos Dóminus in terram fluéntem lac et mel;

ut lex Dómini sit semper in ore vestro, allelúia.

Vel:

Resurréxit Dóminus a mórtuis, sicut díxerat;

exsultémus et lætémur omnes,

quóniam ipse regnat in ætérnum, allelúia.

Dicitur Glória in excélsis.

Collecta

Deus, qui Ecclésiam tuam nova semper prole multíplicas,

concéde fámulis tuis,

ut sacraméntum vivéndo téneant, quod fide percepérunt.

Per Dóminum.

Super oblata

Súscipe, quǽsumus, Dómine,

múnera tuórum propítius populórum,

ut, confessióne tui nóminis et baptísmate renováti,

sempitérnam beatitúdinem consequántur.

Per Christum.

Præfatio paschalis I (in hac potíssimum die), p. 530.

Quando adhibetur Canon romanus, dicuntur Communicántes et Hanc ígitur propria.

Ant. ad communionem Rom 6, 9

Christus resúrgens ex mórtuis iam non móritur,

mors illi ultra non dominábitur, allelúia.

Post communionem

Exúberet, quǽsumus, Dómine,

méntibus nostris paschális grátia sacraménti,

ut, quos viam fecísti perpétuæ salútis intráre,

donis tuis dignos effícias.

Per Christum.