Main Menu

Użytkowników:
1
Artykułów:
1824
Odsłon artykułów:
4649680

Odwiedza nas 69 gości oraz 0 użytkowników.

FERIA III HEBDOMADÆ SANCTÆ

Ocena użytkowników: 0 / 5

Gwiazdka nieaktywnaGwiazdka nieaktywnaGwiazdka nieaktywnaGwiazdka nieaktywnaGwiazdka nieaktywna
 

 

FERIA III HEBDOMADÆ SANCTÆ

Ant. ad introitum Cf. Ps 26, 12

Ne tradíderis me, Dómine,

in ánimas persequéntium me:

quóniam insurrexérunt in me testes iníqui,

et mentíta est iníquitas sibi.

Collecta

Omnípotens sempitérne Deus,

da nobis ita domínicæ passiónis sacraménta perágere,

ut indulgéntiam percípere mereámur.

Per Dóminum.

Super oblata

Hóstias famíliæ tuæ, quǽ sumus, Dómine,

placátus inténde,

et, quam sacris munéribus facis esse partícipem,

tríbuas ad eórum plenitúdinem perveníre.

Per Christum.

Præfatio II de Passione Domini, p. 529.

Ant. ad communionem Rom 8, 32

Próprio Fílio suo non pepércit Deus,

sed pro nobis ómnibus trádidit illum.

Post communionem

Satiáti múnere salutári,

tuam, Dómine, misericórdiam deprecámur,

ut hoc eódem sacraménto,

quo nos voluísti temporáliter vegetári,

perpétuæ vitæ fácias esse partícipes.

Per Christum.

Oratio super populum

ad libitum adhibenda

Tua misericórdia, Deus, pópulum tibi súbditum

et ab omni subreptióne vetustátis expúrget,

et capácem sanctæ novitátis effíciat.

Per Christum.